Irakurzaletasuna bultzatzea
Lehen hezkuntzako oinarri garrantzitsuenetako bat irakurketa konpetentzia garatzea da. Horretarako, ikastolak aspaldidanik parte hartzen du JUUL kanpainan, bertan irakurzaletasuna eta irakurtzeko ohitura barneratzen direla.
Zer da Juul?
Nafarroako Ikastolen Federazioak antolatzen ditu JUUL izeneko hauteskunde literarioak.
JUUL kanpaina ikastolak ikasturtean zehar egiten duen irakurketa bultzatzeko programaren amaiera da, hainbat jarduerarekin: Irakurlagun (irakurleak), liburuen inguruko eztabaidak, ilustratzaileak eta adierazpen artistikoa, irakurketa termometroak…
Bozketa-egunean, ikasleek aukeratu irakurri dituzten euskarazko liburuen artean gehien gustatu zaien liburua eta ilustratzailea.
Hauteskunde-eguna
Apirileko izaera literarioa kontuan hartuta, hilaren 2an Haur eta Gazte Literaturaren Nazioarteko Eguna eta 23an Liburuaren Nazioarteko Eguna ospatzen baitira, JUUL hauteskundeen eguna hilabete honetan egiten da.
Bozketetarako prozedura
Bi aukera daude bozketak egiteko: tradizionala, boto-txartelarekin edo Internet bidezko prozedura digitalarekin.
Baliabideak
Kanpainaren webgunea: www.juulkanpaina.eus. Bertan, kanpainari buruzko informazio guztia eta irakasleei, ikasleei eta familiei zuzendutako informazio-guneak aurki daitezke. Facebookeko bere orrialdea ere badu: https://www.facebook.com/juulkanpaina
