KIVA PROGRAMA - ESKOLA POSITIBOA

Ongi etorri KiVa eskolara!

KiVa bullying edo eskola-jazarpenaren aurkako programa berritzailea da, jazarpenari eta haren mekanismoei buruzko punta-puntako ikerketak baliatuz garatu dena.

Prebentzioa, esku-hartzea eta jarraipena

KiVa eskola-jazarpena prebenitzeko eta jazarpen-kasuei modu eraginkorrean aurre egiteko programa bat da, frogatan oinarritua. Prebentzioa funtsezkoa da, baina jazarpenari aurre egitea ere garrantzitsua da, ez baitago jazarpena errotik desagerraraziko duen prebentzio-ahaleginik; jazarpen-kasu bat ezagutzera ematen denean, erabili ahal izango ditugun tresnak behar dira. KiVa-ren hirugarren alderdi garrantzitsu bat da eskolaren egoeraren eta denborarekin gertatzen diren aldaketen etengabeko jarraipena egiten duela; KiVa-n dauden online baliabideei esker egin daiteke hori. Baliabideok eskola bakoitzari buruzko feedbacka ematen dute urtero; zehazki, programaren ezarpenari eta haren emaitzei buruzkoa.

KiVa-ren osagai nagusiak

Kiva-n ekintza unibertsalak eta berariazkoak uztartzen dira.Ekintza orokorrak, hala nola KiVa curriculuma (ikasleen ikasgaiak eta online jokoak) ikasle guztientzat dira, eta jazarpena prebenitzeko xedea dute nagusiki.Berariazko ekintzak, berriz, jazarpen-kasu bat gertatzen denean erabiltzekoak dira. Haien jomuga jazarpenean erasotzaile edo biktima gisa parte hartu duten haur eta nerabeak dira, bai eta beste ikasleak biktimari babesa ematera animatzea ere. Helburua jazarpena gelditzea da.

KiVa programa jazarpenari eta haren mekanismoei buruz hainbat hamarkadaz egin den ikerketan oinarritzen da.

Finlandiako Turkuko Unibertsitateak sortu eta garatu zuen, Finlandiako Hezkuntza eta Kultura Ministerioaren Finantzaketaz. Egileak jazarpenaren fenomenoa eta haren mekanismoak hainbat hamarkadaz ikertzen jardun diren adituak dira. Taldeko buruak Christina Salmivalli irakasle doktorea eta Elisa Poskiparta ikertzaile berezi eta doktorea dira.

Eraginkortasunaren froga ugari

Merkatuan eskola-jazarpenaren aurkako programa asko daude, baina, zoritxarrez, horietako gutxi batzuekin soilik egin dira probak ikerketa zientifiko zorrotzen bidez. Horrenbestez, ez dago nahikoa ebidentzia ziurtatzeko programa horiek benetan lagungarriak direla eskoletan jazarpena murrizteko.

KiVa programaren emaitzak hainbat ikerlanetan ebaluatu dira. Gure KiVa ikerketa-taldeak bildu eta aztertutako datuetan oinarritutako ikerlanak ez ezik, Osasun eta Ongizatearen Institutu Nazionalak ere datu independenteak bildu ditu, eta horiek erakusten dute Finlandian jazarpena eta biktimizazioa murriztu egin direla KiVa programa abian jarri eta hedatu denetik. Gaur egun, KiVa hainbat herrialdetan ebaluatzen ari dira: ateratzear dira Herbehereetako, Estoniako, Italiako eta Galesko nazioarteko lehen ikerlanak. Horrek agerian uzten du KiVa eraginkorra dela Finlandiatik kanpo ere.

Esperientzian oinarritutako ikaskuntza, ikasleentzako KiVa ikasgaien bidez.

Berariazko ekintzak eskolako langileek jazarpen-kasu baten berri jakiten dutenean baliatzen dira.Kasu bakoitza KiVa taldearen eta egoeran nahastuta dauden ikasleen arteko banakako eta taldeko hizketaldien bitartez bideratzen da. Jokabide prosoziala duten biktimaren zenbait ikaskideri adore ematen zaie hari babesa eman diezaioten.

KiVa adin-talde jakin batzuentzat diseinatu da.

KiVa-k hiru unitate ditu; gaur egun, 1. unitatea eta 2. unitatea Finlandiatik kanpo eskuragarri daude. 1. unitatea 6 eta 9 urte arteko haurrentzat diseinatu da. 2. unitatea 10 eta 12 urte arteko haurrentzat da egokia.

Irakasle, ikasle eta gurasoentzako materiala

KiVa-k irakasle, ikasle eta gurasoentzako material ugari du; besteak beste, irakasleen gidaliburuak, bideoak, online jokoak, ikasleen eta langileen KiVa galdetegiak, posterrak, txalekoak eta gurasoen gida.

KiVa ez da urtebeteko proiektu gisa diseinatu, baizik eta eskolaren jazarpenaren aurkako lanaren parte iraunkor gisa.

Ongi etorriak ikastola positibora!

Erentzun ikastolak  Europako Eskola Positiboen Sarearen parte da, eta psikologia positiboaren hainbat alderdi,  balio zibiko eta sozialen arloan lan egiten du.

• Psikologia positiboa pertsonei eta komunitateei aurrera egiten laguntzen dien horren azterketa zientifikoa da. Ongizatean eta funtzionamendu optimoan oinarritzen da, giza garapenean, bere betetasun eta loratze egoera onenean (ingelesetik flourishing).
• Psikologia positiboaren helburua ikuspegi tradizionala psikologian orekatzea da – Gaixotasunen eta arazoen ikuspegia nagusi – Giza indarrei, ongizateari eta funtzionamendu optimoari arreta zorrotza eskainiz.
• Psikologia positiboa baliabide handia izan daiteke irakasleentzat eskolan gozatzeko, konpromisoa hartzeko eta hazteko aukera gehiago eskaini nahi dizkieten ikasleentzat.
• Hazkundea eta autoerregulazioa pertsonek aurrera egin dezaten laguntzen duten oinarrizko bi prozesu dira. Hazteko eta autoerregulatzeko nahia eta/edo beharra gizakiengan oinarrizko motibazio-indarrak dira. Beraz, oso garrantzitsua da eskolan egitea, ikasle eta irakasleen artean.
• Eguneroko jardueretan “hazkundea” duten pertsonak – Adibidez, ikaskuntzaren eta sormen-lanen bidez – Eta beren testuinguruan erregulazio autonomoa gauzatzeko aukera dutenak, hautatzeko askatasunaren eta erabakien bidez, Aukera horiek ez dituzten pertsonak baino egoera hobean daude.
• Giza hazkundea eta autoerregulazioa bi joera biologikoren mehatxupean daude: negatibotasunerako joeragatik eta egokitzapen hedonikoagatik. Negatibotasunerako joera gertaera negatiboei gehiegizko arreta eskaintzeko joera da. Egokitzapen hedonikoa bizitzako aldaketetara “ohitzeko” joera da – Bereziki, gertaera alai eta lorpenetara –, eta, beraz, denborarekin erakargarritasuna galtzen dute eta horrekin lotutako emozio positiboak desagertu egiten dira.
• Hazkundea eta autoerregulazioa ikasleen eta irakasleen artean sustatu daitezke, esperientzien eta portaeren patroi espezifikoak sustatuz. Horiek modu aktiboan landu behar dira arreta, kontzientzia, erregulazio emozionala, motibazioa, konpromisoa, hautemandako zentzua eta gizarte-harreman positiboak.
• PositivitiES banakako potentzial eta aktibo horien inguruan psikologia positiboaren esparruan aztertutako alderdiei zuzendutako berrikuspen gidatua da, irakasleei eta ikasleei baliabide erabilgarriak eskaintzeko helburuarekin, eskolako eguneroko esperientziaren kalitatea are gehiago hobetzeko.