[EUS] Gure ikastolan, Neska eta Emakume Zientzialarien Eguna ospatu dugu emakume zientzialari aitzindarien ekarpenak aztertuz eta neskei zientzia eta teknologiaren munduan murgiltzeko bultzada emanez. Ekintza honetan, Hypatia, Sally Ryde eta Ada Lovelaceren eta hainbat emakume zientzialari nabarmenen bizitzak eta lorpenak aztertu ditugu, ikasleekin batera erakusketa interaktibo eta muralen bitartez.
Helburua argia da: gure neska gazteei erakustea zientziaren historiako emakumeek egin duten ekarpena eta bide berriak irekitzea etorkizuneko belaunaldientzat.
Erentzun ikastolak konpromiso sendoa du hezkuntza inklusibo eta berdinzale baten alde, eta egun hau aitzakia bikaina izan da gure ikasleengan balio horiek sustatzeko.
